Në konferencën e parë ndërkombëtare që do të mbahet sot në Bruksel delegacioni shqiptar do të takohet me përfaqësues të BE-së, përfaqësuesi i lartë për politikën e jashtme Josep Borrell si dhe Komisioneri për zgjerimin Oliver Varhelyi.
Për këtë ditë Rama ka postuar në faqen e tij zyrtare në FB se është mjaft krenar dhe i kënaqur mbi ç’ka ka ndodhur deri më tani dhe ç’ka pritet të ndodhë gjatë këtij takimi.
“MIRËMËNGJES
Me kënaqësinë e me krenarinë që sot Shqipëria e të gjithëve ne, pa dallim feje, krahine, ideje, moshe a statusi social, Shqipëria e Skënderbeut, e rilindasve, e dëshmorëve të luftës, e martirëve të regjimit komunist, e studentëve të Dhjetorit ’90.
Shqipëria e familjeve të zakonshme shqiptare, kudo ndodhen dhe e fëmijëve tanë kudo ku rriten me prindërit e tyre, ulet në tryezën e madhe të Europës së Bashkuar për të filluar negociatat për anëtarësimin e saj,”, shkruan Rama.
