Nga Boldnews.al
Imazhin… Atë mos i prek qeverisë, vetëm atë mos ja cëno Ramës, të tjerat ikin e vijnë, por tre jetë të rinjsh të ekzekutuar në Fushë-Krujë dy ditë më parë nuk kthehen më. Që të tre dyshohet se janë me precedentë penal, në trafiqe dhe krimin e rëndë të vrasjes. U vranë në mes të ditës Brilant Martinaj, Besmir Hoxha dhe Diklen Vata. Për këtë lloj krimi të organizuar, kryeministri Edi Rama tre vjet më parë deklaroi “hëngshin kokat e tyre”, pa përgjeshmërinë më të vogël të një shtetari, ku qeveria është ajo që votohet edhe për të siguruar rendin dhe qetësinë në vend në zbatim të ligjit dhe jo “kanunit të bandave”.
Pikërisht pandëshkueshmëria dhe mbi të gjitha lejimi i kanabizimit të vendit dhe krijimit të strukturave të fuqsishme të trafikut edhe të drogave të rënda, veçanërisht kokainës, ka bërë që ngjarjet kriminale të ndodhin edhe në mes të ditës dhe në mënyrën më të dhunshme të mundëshme.
Sa për policinë edhe këtë herë duket se fatkeqësisht po shkon të të njëjtën hulli që nuk çon në asnjë zbulim me fakte dhe prova. Autorët që dyshohet të kenë qenë më shumë se pesë persona, atentatorë dhe bashkëpunëtorë, pasi kryen vrasjen në mbikalimin e Fushë-Krujës u larguan me shpejtësi dhe rreth gjashtë kilometra nga vendi i krimit dogjën automjetin, duke lënë brenda edhe tre arme automatike me të cilët vrarë tre të rinjtë.
Ata u larguan. Policia e kishte gati komunikatën, si për ngjarjet e tjera, u ndërrojnë vetëm datën dhe muajin, sepse dinamika është e njëjtë: “Autorët u larguan dhe dogjën automjetin në …., policia mbërriti menjëherë në vendin e ngjarjes dhe po punon për identifikimin dhe kapjen e autorëve”…. Këtë copëz njoftim të gatshëm e kanë të gjithë zedhënësit e policivë në vend. As nuk lodhen për ta rishkruar. E kanë aty të gjendshme në çdo kohë…
Politikisht këtu qëndron një dramë, që është edhe më e madhe se vetë krimi i organizuar. Struktura të qeverisë, me lidhje nga qendra deri në atë të pushtetit lokal, të dyshuarit për trafiqet të paligjshme, kryesisht në fushën e narkotikëve i afron, i përdor për zgjedhje dhe u jep benefite për “nderin e pushtetit”, duke i kthyer edhe në biznesmenë që japin një dorë të mirë si nënkotraktorë në fushën e ndërtimit, madje edhe në tenderat publik që dalin nga taksat e çdo qytyetari.
Ky vrau këtë, ai vrau atë, grupi i tij u organizua për të vrarë këtë… Këto do të jenë vetëm detaje të aksionit të krimeve, që në fakt nuk i vlejnë askujt. Pyetja e madhe që kërkon përgjigje nga “kokat e mëdha” është se përse po lejohet të gjallojë kaq shumë krimi i organizuar në Shqipëri?
Shumat e mëdha të parave që lëvizin nga aktivitetet e paligjshme i duhen pushtetit, për të mbajtur veten gjatë e më gjatë, pikërisht nga krimi që është edhe “finacuesi i rregullt” i çdo fushate. Kjo është zanafilla ku krimi bëhet me para, pastaj kthehet në organizatë dhe në fund rivalizon me të singjashmit, nën hundët e pushtetit që sheh sesi ata hanë kokat e “njëri-tjetrit”, mjafton që të vijojë jetëgjtësinë pushtetare “kokat e mëdha” që ngjarja e Fushë-Krujës nuk trajtohet si krim i rëndë që sjell krime në vijim, por “prishje imazhi” në sezon turistik. Ky cilësohet krimi më i “rëndë” në vend, imazhi…atë mos e qëlloni!
