Deputeti demokrat Ervin Salianji, gjatë seancës plenare, është shprehur kritik ndaj reformës në drejtësi. Ai theksoi se Shqipëria është kokë më kokë me Rusinë për korrupsionin.
“As qeveria as deputetë e PS nuk reagojnë. Jemi në kushtet jo të incovacionit por të magjistarit të madh se si bëhen para.
Rruga Kardhiq-Delvinë si rrugët e fshatit, një vrimë miu, mezi hyje e dilje. A ka përgjegjësi për të dalë kryeministri dhe të japë llogari për paratë që shpërdorohen? A kanë përgjegjësi këta për të dhënë llogari?
Ku jemi sot, ai që mbahet si nona e drejtësisë është nona e përfshirjes në krim.
A i ka çuar atij ministrit shkresë apo jo? Apo disa janë të nënës dhe disa të njerkës.
Pandëshkueshmëria është kthyer në model në këtë vend. Ne duhet të themi të vërtetën. Drejtësia e vjetër ka pasur ish-ministra më shumë të dënuar, më shumë zyrtarë të lartë. Dëgjoj që deputetët e PS, thonë se drejtësia të funksionojë për të gjithë, por ne duar në xhepa dhe fjalën do kemi çdo të funksionojë.
Kujt i kërkoni ju llogari keni 9 vite në qeverisje”, tha ai. duke shtuar “a ka këtu një marrëveshje të heshtur për t’ju hedhur hi syve shqiptarëve. krimi është rritur. Shtet s’mund t’i themi këtij, shtet pambuku”.
