Aktivistët e shoqërisë civile në mbrojtje të Butrintit janë mbledhur këtë të enjte përpara ambienteve të parlamentit.
Me pankarta në duar, protestuesit pritet të shprehin indinjatën e tyre kundër vendimit të qeverisë Rama për të rrëzuar në emisionin e Ekonomisë dekretin e presidentit Meta për kthimin në Kuvend të ligjit për menaxhimin e Parkut Kombëtar të Butrintit.
Me pankarta ku shkruhet “deputetë mos u bëni tradhtorë mos e shisni Butrintin”, qytetarët kërkojnë të detyrojnë qeverinë Rama nga tërheqja për dhënien me koncesion të një tjetër pasurie kombëtare.
Aktivistët deklaruan se kjo qeveri është duke mbështetur tradhtinë kombëtare.
“Ju lutem, deputetëve sot të votojnë pro dekretit të presidentit. Unë mendoj se ka deputetë edhe të majtë, edhe të djathtë, të cilët do t’i thërrasin sot koshiencës së tyre sepse ndryshe do të përfundojnë si atëherë kur votuan ligjin për importin e plehrave do hyjnë në histori si deputetë të tradhtisë kombëtare. Jemi këtu për të shpëtuar kombin nga shteti në këtë deregje kemi arritur”, u shpreh aktivisti Andi Tepelena.
Po ashtu, aktivistët thanë se qeveria e konsideron Butrintin sikur të ishte një mall tregu.
Projekti për menaxhimin e parkut të Butritit kaloi në parlamenat me votat e maxhoranxhës. Shopëria civile dhe opozita e kanë kudërshtuar nismën ligjore, duke e quajtur korruptive dhe klienteteliste, i hartuar për interesa të ngushta të kryeministrit Edi Rama.
Kudnërshtar i nismës ishte dhe presidenti Ilir Meta, i cili ktheu nismën për rishqyrtim në Kuvend dhe argumentoi pse nuk duhet të miratohet. Megjithatë, dje në Komisionin e Ligjeve, socialistët rrëzuan dekretin e Metës, që këtë të enjte votohet në Kuvend.
