Avokatja Eni Çobani ka thyer bojkotin e avokatëve duke marrë pjesë në një seancë gjyqësore në Gjykatën e Rrethit Përmet.
Nga raportimet mësohet se Çobani ka marrë pjesë në një seancë gjyqësore në Gjykaten e Faktit në Përmet, megjithëse prej disa javësh avokatët kanë marrë një vendim për të bojkotuar seancat gjyqësore, si një formë proteste kundër hartës së re gjyqësore.
Dhoma e Avokatisë së Gjirokastrës, pjesë e së cilës janë edhe avokatët e Përmetit, ka siguruar procesverbalin e seancës gjyqësore në Gjykatën e Permetit dhe tok me të, i ka dërguar Komitetit të Disiplinës të Dhomës Kombëtare të Avokatisë në Tiranë, një ankesë ku i kërkohet marrja e masave ndaj Eni Çobanit me heqjen e liçensës.
Nuk dihet nëse edhe ndaj Çobanit do të aplikohet masa e pezullimit të licencës me 3 muaj, ashtu sikundër ndodhi me një tjetër avokat të Dhomës së Fierit.
