Publikohen mesazhet e dy shqiptarëve, të cilët dyshohet se ishin anëtarë të një organizate të trafikimit të lëndëve narkotike, që u ekzekutuan në 2 korrik në Athinë.
Nga shkëmbimi i zjarrit mbeti i vrarë gjithashtu edhe një tjetër shqiptar, babai i Gëzim. A, ndërsa u plagosën 2 efektivë policie.
Kujtojmë se dy trafikantët e drogës kishin lënë takim mbrëmjen e 2 qershorit për të zgjidhur mosmarrëveshjet që kishin lindur, pas arrestimit të tyre majin e kaluar, pasi u gjetën me një sasi kokaine.
Mëngjesin e së shtunës, pak orë para se të fillonte sherri me banditëve shqiptarë në rrugën Kourtidou në Patisia, i cili pasoi në rrugën Avenue Demokratias në Agioi Anargyrou, 48-vjeçari shqiptar nga Korça Adil Tefa kishte shkuar në servisin e makinave që ish-partneri i tij 46-vjeçar , Gëzim.A kishte Athinë .
Tefa nuk e gjeti në dyqan 46-vjeçarin e si rrjedhojë i dërgoi një mesazh ku shkruhej: “Po të kërkoj, ku je?”, ky ishte mesazhi i parë, raporton abcnews.al.
Përgjigja e 46-vjeçarit , Gëzim.A ishte: “Këtu jam, nuk fshihem, ty s’po të shoh askund.”.
Adil Tefa: Hajde në darkë, atje ku e lamë të takoheshim dhe do ta tregoj.
Gëzim.A: Unë do të jem aty, kujdesu që të jesh edhe ti, jo si herët e tjera kur nuk ishe askund dhe nuk u shfaqe.
Në këtë mënyrë 2 ish-bashkëpunëtorët shkuan në rrugën Kourtidou, ku 48-vjeçari ka shkuar me një makinë “Benz” i shoqëruar nga partnerja e tij shqiptare 43-vjeç, e cila pas masakrës u arrestua nga policia greke, ndërsa Gezim,A shkoi i shoqëruar me dy makina tjera, një ” Audi” dhe një “Toyota”.
Udhëzimet
Qendra operative e Veprimit të Menjëhershëm , pak sekonda para përleshjes, ka marrë një telefonatë nga një qytetar, i cili kishte parë një burrë në rrugën Kourtidou duke ecur në trotuar duke mbajtur një pistoletë në duar. Në momentin që në vendngjarje mbërritën motoristët e parë të DIAS-it, konflikti i armatosur kishte përfunduar tashmë me dy të vdekur, ndërsa autori u largua drejt Agios Anargyros.
Lajmëtarët në qendrën e Veprimit të Menjëhershëm kishin nisur tashmë të koordinonin ekuipazhet e makinave të patrullës së shërbimit, por pa e ditur se ku ishte drejtuar sulmuesi.
Madje, sipas informacioneve, spikeret në atë moment i kanë kushtuar një rëndësi të veçantë ekuipazheve që lëviznin në periferi, pasi repartet në qendër të Athinës tashmë ishin vënë në dijeni dhe nxituan për të kërkuar në zonën e tyre. Ekuipazhi i Veprimit të Menjëhershëm u zhvendos në Avenue Dimokratis , pasi kishte marrë një udhëzim të rreptë për masa vetëmbrojtëse dhe kujdes.
Qendra ishte informuar tashmë për një tentativë grabitjeje në zonë nga një burrë i veshur me një këmishë të verdhë, si ajo që kishte veshur vrasësi në Patisia. Krimineli 48-vjeçar dyshohet se kishte konsumuar një sasi të madhe kokaine , për pasojë, pas një grabitjeje të dështuar në një lokal në zonë, ka kaluar makinën e patrullës për një taksi dhe i ka bërë shenjë ndalimi. Kur e kuptoi se nuk ishte një taksi, ai thjesht ktheu shpinën dhe u largua.
