I ftuar në Çim Peka Live, nënkryetari i LSI-së Petrit Vasili ka folur për protestën e 7 korrikut në Tiranë të thirrur nga Shoqëria Civile dhe e mbështetur nga Partia Demokratike dhe forcat e tjera opozitare.
Vasili ka theksuar se kjo qeveri nuk ka mundësi të reflektojë pasi është e kapur dhe është vënë në dispozicion të aferave shumë të mëdha, është vendosur në dispozicion të aferave shumë të rënda, është financuese me para e këtyre aferave dhe në këtë mënyrë e ka fatin e përcëktuar.
“Dy çështjet themelore dhe më të mëdha morën përgjigje për ditët dhe për muajt në vijim. Është shumë e qartë se opozita ka të gjithë fuqinë e kauzës që ka zgjedhur, ishte shumë e drejtpërdrejtë, ka denoncuar skandale si asnjëherë më parë dhe nuk kanë të krahasuar me asnjë opozitë tjetër.
Përgjigjja ishte e jashtëzakonshme dhe kjo përgjigje do shtohet dhe do marri dimensione akoma më të mëdha. Sepse kjo qeveri nuk ka mundësi të reflektojë pasi është e kapur dhe është vënë në dispozicion të aferave shumë të mëdha, është vendosur në dispozicion të aferave shumë të rënda, është financuese me para e këtyre aferave dhe në këtë mënyrë e ka fatin e përcaktuar. Duke marë parasysh këto afera të mëdha situata po precipiton me shpejtësi të madhe”, tha ai.
