Deputeti Erion Braçe, i ftuar në emisionin “Më lër të flas” me vëllezërit Veshaj, ka folur rreth marrëdhënies se tij me kryeministrin Edi Rama.
Braçe u shpreh se marrëdhëniet me kryeministrin i ka shumë të mira, ku një muaj flasin e dy muaj nuk flasin.
Pjesë nga intervista:
Romeo : Më trego pak për fëmijërinë tënde, unë e di që je një djalë Kombinati…
Erion Braçe: Unë dhe Manushi jemi nga Kombinati, Manushi para meje unë pas Manushit.
Romeo: Nuk ia thotë dot emrin, Edi Manushi.
Erion Braçe: Ne për Manush e njohim, po të jetë për Edi kemi një tjetër. Edi vetëm një ka.
Romeo: Meqë ra fjala, si i ke marrëdhëniet me kryeministrin?
Erion Braçe: Shumë të mira i kam, një muaj flasim dy muaj nuk flasim, pastaj muajin e tretë zihemi prapë e nuk flasim për katër muaj. Është një mënyrë komunikimi mbi bazë të së cilës bëhen disa punë.
Romeo: Mua më dukeni si një çift toksik…
Erion Braçe: Mundet, por çmimi i lëndëve toksike që përdoren për bujqësi është rritur shumë.
