Prej kohësh është përcaktuar edhe kundërshtari, që do të ketë përballë Partizani, në rast se arrin të kalojë Saburtalon. Ata janë gjigantët e futbollit rumun, FCSB.
Emri i vjetër i këtij klubi ka qenë Steaua e Bukureshtit dhe të gjithë trofetë e fituar nga ai ekip i lavdishëm, i njihen nga UEFA dhe FIFA edhe FCSB-së. FCSB është ish-fituese e Champions League në sezonin 1985- 1986, teksa numëron 26 tituj kampionë dhe 24 Kupa të Rumanisë.
Vlera totale e lojtarëve të ekipit rumun është 33.8 milionë euro. Lojtarët më të shtrenjtë janë kapiteni Florin Tanase dhe Darius Olaru, me nga 5.5 milionë euro. Në sezonin e fundit FCSB u rendit në vendin e dytë në kampionat. Pa dyshim ky kundërshtar është dimension tjetër kur e krahason me Saburtalon.
