“Protesta e 7 korrikut ishte për t´u përgëzuar dhe të gjithë duhet të ndjehemi të gëzuar, pas protestës së 7 korrikut, pasi ajo tregoi se kemi një opozitë të vërtetë”, thuhet në një video-editorial të gazetës Koha Jonë me botues Nikoll Lesin.
Në video-editorial thuhet se të paktën kjo protestë tregoi se Kryeministri Edi Rama ka humbur kontrollin ndaj opozitës, sikundër tregoi se lideri i PD është Sali Berisha dhe nuk ka asnjë Gjykatë Apeli që mund të japë një vendim tjetër.
“Ish-Kryeministri Berisha tregoi se është lider i PD dhe opozitës”, thuhet në editorial.
Në vijim theksohet se kjo protestë dhe të tjera si kjo ndoshta nuk e rrëzojnë Edi Ramën si kryeministër, por e detyrojnë që të ndryshojë kuajt e betejës dhe të qeverisjes, përballë një opozite që po ringrihet.
