Zaniolo tek Juventus i jep drejtim edhe të ardhmes së Paulo Dybalas që mbetet në një udhëkryq të rrezikshëm pas refuzimit të Interit. Talenti argjentinas nuk arrin të gjejë një destinacion të kënaqshëm duke u rikthyer në pistën “Roma” ku Jose Mourinho ka zbritur në pistë për të marrë një rol kryesor për të bindur sulmuesin.
Sipas “Corriere Dello Sport”, Mourinho është takuar me pronarin amerikan dhe ia ka kërkuar argjentinasin si përforcimin e kësaj vere. Milan ndërkohë është fokusuar tek De Keteleare dhe ka rritur ofertën në 30 milionë euro.
Dybala kërkon jo më pak se 8 milionë euro por mund të bëjë një ulje në çmim në rastin e Romës duke ditur që Inter nuk është gati ta presë as për 6 milionë. Fillimisht, Roma duhet të shesë menjëherë Zaniolon dhe më pas të planifikojë goditjen dhe ëndrrën e madhe të tifozëve.
