Gjykata e Posaçme refuzoi kërkesën e SPAK për të pushuar hetimin ndaj 7 ish-anëtarëve të Gjykatës së Lartë dhe asaj Kushtetuese.
Gjykata ktheu dosjen në SPAK për 4 muaj të tjerë për plotësim të hetimit me veprime të tjera hetimore.
Sipas këtij vendimi, SPAK do të vijojë hetimin për ish-anëtarët e Kushtetueses, Besnik Imeraj e Gani Dizdari dhe ish-kreun e Gjykatës së Lartë, Xhezair Zaganjori dhe ish-anëtarët Edmond Islamaj, Tom Ndreca, Guxim Zenelaj e Aleksandër Muskaj.
Ish-gjyqtarët e dorëhequr dhe shkarkuar nga vettingu u kallëzuan penalisht nga avokati Fran Dashi për evazion fiskal e fshehje pasurie.
