Protesta e së Enjtes e thirrur nga kreu i PD-së Sali Berisha do të nisë nga selia blu ndërsa do të marshohet drejt kryeministrisë. Aty do të mbahen fjalime, që do të përmbyllen me fjalën e Sali Berishës.
Ditën e sotme në një dalje për mediat, ish-kryeministri ka akuzuar Edi Ramën se ka abuzuar me paratë e qytetarëve e për këtë arsye duhet të japë dorëheqjen. Berisha paralajmëroi uniformat blu që të mos provokojnë protestuesit nesër.
Në krah të Berishës u shfaq edhe Sekretari i Përgjithshëm i LSI, Endrit Brahimllari, i cili tha se protestës së Berishës do t’i bashkohet për shkak të rritjes së çmimeve.
Një ditë para protestës, Kryeministria ka marrë masa. Ashtu si kurse në çdo protestë e zhvilluar, edhe kësaj here është bërë zhvendosja e kërpudhës, një vepër dhuratë nga autori Carsten Höller, dhuruar kryeministrisë gjatë vizitës së tij në Tiranë.
