Këngëtaren kolumbiane, Shakira, po e ndjekin problemet që pasi u nda nga Pique pasi i zbuloi tradhtinë. Mediat e huaja bëjnë me dije se ajo akuzohet për evazion fiskal dhe mund të dënohet me burg nëse nuk arrihet një zgjidhje.
Këngëtarja po hetohet për mashtrim të mundshëm tatimor nga autoritetet spanjolle, të cilat dyshojnë se ajo mund t’i detyrohet shtetit spanjoll më shumë se 14 milionë euro taksa të papaguara.
Çështja lidhet me një periudhë gati trevjeçare midis viteve 2012 dhe 2014 kur këngëtarja mendohej se kishte kaluar shumicën e kohës në Spanjë. Mësohet se Shakira ka udhëzuar avokatët e saj që të përpiqen të arrijnë një marrëveshje me autoritetet që do të shmangte skandalin e çështjes duke shkuar në gjykatë.
