Kryetarja e LSI-së, Monika Kryemadhi ka publikuar dokumente të reja lidhur me skemën e aferës së incineratorit të Tiranës.
Në një deklaratë për mediat, ajo tha se kompanitë që janë caktuar për të kryer punimet për inceneratorin e kryeqytetit dhe kryejnë evazion fiskal përmes faturave fiktive.
Sipas saj, kjo skemë është e lidhur drejtpërdrejt ëme qeverinë, ndërsa përmendi 9 kompani që shesin produkte të ndryshme për të humbur gjurmët.
Ajo shtoi se dy pensionistë kanë blerë biznese me 30 milionë dollarë dhe se gjithë ky evazion fiskal që po denoncohet në një kohë kur kompania nuk gjendet.
Kryemadhi tha se do të depozitojë kallëzim në SPAK.
“Ka blerje korruptive, të ndara në fatura të vogla, nuk blihet ne llogari bankare që lëvizja financiare mos bëhet me llogari bankare por kesh, e shitja nga fruta ekzotike në beton është bërë me pagesë bankare, por pagesat bankare nuk janë kryer. Përveç se pagesat nuk kryhen, kompanitë që kanë bërë blerje marrin e rimbursimin e TVSH.Pse nuk reagon shteti? Se kjo gjë bëhet në bashkëpunim me qeverinë dhe institucionet që janë të lidhura drejtpërdrejt. Janë 9 kompani, Ymeraj, Murati, Frangaj, për të humbur gjurmët, kompanitë shiten në persona të tjerë, pra blej fruta, shit zhavorr, blej ujë e shit hekur. Këta dy pensionistë kanë blerë biznese me 30 milionë dollarë. Gjithë ky evazion fiskal sot që bëjmë denoncimin kompania nuk gjendet”, tha Kryemadhi.
