Preej disa muajsh qytetarët shqiptarë po përballen me një rritje të çmimeve të produkteve të shportës, ndërsa nga Qeveria mungojnë masat për kompensimin e tyre, qoftë edhe duke rritur pagat dhe pensionet në nivelin e inflacionit.
Kreu i PD, Sali Berisha, u pyet në emisionin “Çim Peka Live”, se çfarë vendimesh do të merrte nëse do të ishte kryeministër, për të përballuar krizën e çmimeve?
Ai tha se një nga vendimet urgjente do të ishte heqja e TVSH-së për ushqimet bazë ushqimore.
“Do hiqja menjëherë TVSH-në e ushqimeve, do ulte çmimet. Do nxisja prodhimin bujqësor. Kosova jep 400 dollarë për ha për grurin, Edi Rama jep 3 dollarë. Do nxisja biznesin e vogël. Qeveria ka mundësi të shumta për të lehtësuar kriza si kjo. Bujqësia ka humbur 670 mijë krerë, nga të cilat 180 mijë janë race. U kthyem te qumështi pluhur”, tha Berisha.
