Shefi i Organizimit në Partinë Demokratike, Klevis Balliu në një status në Facebook, shkruan se ka zhvilluar një takim me degën numër 16 në kryeqytet ku kryefjalë ka qenë protesta e 7 korrikut.
Balliu shkruan se ajo ditë duhet të bashkojë të gjithë demokratët dhe të jetë për një qëllim tëvetëm, rrëzimin e qeverisë të cilën ai e quan hajdute të madhe dhe të keqen më të madhe të vendit.
Deklarata
Sot në takimin me degën 16 për protestën e 7 Korrikut
Të gjithë duhet të bashkohemi për të larguar regjimin e hajdutërisë që i jep pasuritë e shtetit burrave të ministreshave ndërkohë qytetarët shqiptarë janë populli me rrogat më të ulta në rajon.
Të largojmë qeverinë e hajdutërisë, shefi i së cilës udhëton me charter privat për qefet e tij e ndërkohë qytetarëve ju thotë që ju ecni në këmbë që mos të shpenzoni për naftën.
Të largojmë qeverinë e dinamit dhe të tritolit për ti hapur rrugë zhvillimit të ekonomisë së shqiptarëve.
Të punojmë sëbashku në një front për të shpëtuar Shqipërinë nga kthetrat e Edvinit.
Të gjithë në shesh me 7 KORRIK ORA 19:00.
