Kreu i PD, Sali Berisha, ka mbajtur fjalën e tij në tryezën me përfaqësues të shoqërisë civile ku ka folur mbi gjendjen ku ndodhet vendi për shkak të krizës me rritjen e çmimeve dhe politikave të ndjekura nga qeveria.
Berisha tha se në asnjërin prej vendeve të rajonit nuk ishin rritur çmimet me 170% siç kishte ndodhur në Shqipëri, ndërsa shtoi se kjo diktohej nga Bordi i Transparencës i emëruar nga Rama dhe se zgjidhja e vetme ishte një reagim i fuqishëm me protesta.
Ish kryeministri, Sali Berisha tha se nuk ka asnjë vend në rajon ku çmimet janë rritur me 170%. Të gjitha këto i diktojnë bordet komuniste që ky zotëri i ka vendosur.
“Është krijuar një klimë mbytëse për biznesin. Nuk merr asgjë parasysh nga qytetarët. Dhjetëra mijëra biznese dhe profesionistë do të lënë Shqipërinë. Rritja e çmimeve e çon inflacionin në 29%. Rrogat nuk janë rritur, asgjë nuk ka ndodhur përveç shtërngimit të rripit. Në këtë kontekst, përgjigjia jonë është jetike. Reagimi i fuqishëm i shoqërisë civile dhe i personaliteteve është i pazëvendësueshëm”, tha Berisha.
Ai tha se sot Edi Rama mburret me reformën në drejtësi, por unë po ju them se asnjë vend nuk ka pranuar të zbatojë reformën sikundër ka ndodhur këtë, pasi i mohohet qytetarëve një gjykim i drejtë.
Gjithashtu Berisha tha se Edi Rama po u shemb shtëpitë qytetarëve, vetëm se klanet e drogës duan të ndërtojnë kullat.
“Janë me dhjetra kauza që ne mund të protestojmë dhe s´ka nevojë ne që të shpikim metoda, mjafton të shikojmë qëndresën e Aleancës për Mbrojtjen e Teatrit, por edhe protestat e banorëve të Unazës së Re. Nëse nuk do të binte Teatri, do të binte Edi Rama. Ne duhet të kemi një lëvizje qytetare të qëndrueshme, që nuk ndalet deri në fitore”, tha Berisha.
