Deputetja demokrate, Albana Vokshi, ka ftuar maturantët që ti bashkohen protestës të thirrur nga Partia Demokratike më 7 korrik, ora 19:00, para Kryeministrisë.
Vokshi shkruan në rrjetet sociale se arsimi është në rrezik, ashtu sikundër Shqipëria, ndaj edhe protestës duhet ti bashkohen si maturantët, ashtu edhe studentët dhe prindërit.
Sipas deputetes së PD, protesta e maturantëve funksionoi, pasi bëri që të urdhërohen mësuesit të punojnë gjatë fund javës e të nxjerrin në nxitim notat e mira për nxënësit, të paralajmëruara edhe nga Ministrja Evis Kushi.
Postimi nga Albana Vokshi
Frika nga #protesta!!
Dy ditë më parë, maturantët paralajmëruan protestë për provimin e lëndëve me zgjedhje. Sipas maturantëve një pjesë e pyetjeve ishin jashtë programit.
#Protesta funksionoi!
Frika nga protesta, bëri që të urdhërohen mësuesit të punojnë gjatë fund javës e të nxjerrin në nxitim notat e mira për nxënësit, të paralajmëruara edhe nga Ministrja Evis Kushi.
Cfarë ndodhi gjatë fund javës? Ndërkohë që maturantët ankoheshin për vështirësinë e testeve dhe mësuesit që korrigjonin testet ankoheshin për rezultatet e ulëta të nxënësve???
Ministrja #Kushi aktivizoi të gjitha drejtoritë vendore dhe mësuesit e biologjisë dhe fizikës që të lajmëronin nxënësit se notat do të dilnin të hënën para orës 10. Sipas njoftimit, nxënësit nuk duhet të shqetesohen sepse “cdo gjë do të shkojë në favor të tyre” (shihni komunikimet në grupet e whatsapp-it). Pra, zyrat vendore e morën porosinë e Ministres dhe njoftuan rezultatet e “mira” edhe pa u korrigjuar testet. Rezultatet dolën (si asnjëherë) për dy ditë, para orës 10.00, kur protesta ishte njoftuar.
Edhe këtë herë, askush nuk mbajti përgjegjësi për standartin e testeve. Askush nuk mbajti përgjegjësi pasojat të nxënësit e familjet e tyre.
Ministrja mendon që me sukses e shuajti protestën e maturantëve duke ju rritur notat artificialisht.
Por edhe pse nuk ishte zgjidhja më e mirë dhe ajo e duhur, maturantët fituan betejën e tyre. E fituan me protestën e parajmëruar!!
Ndaj, në datë #7korrik:
– cdo maturant duhet të #protestojë!
– cdo student duhet të #protestojë!
– cdo prind duhet të #protestojë!
– cdo i ri duhet të #protestojë!
#7korrik
#Arsiminërrezik
#shqipërianërrezik
