Sot fundjava në Vlorë pasqytohet me një trafik të rënduar që prej orëve të para të ditës.
Zona e rrethit të Skelës e deri në Radhimë është një aks rrugor plot trafik pasi makina të shumta i drejtohen jugut të Shqiperisë.
Për të përshkuar aksin rrugor Vlorë-Radhime duhen të pakten 40 min.
Rradhët disa kilometra kanë berë që policia rrugore të gjendet në pikat kyçe ku trafiku rëndohet, me qëllim menaxhimin dhe lehtesimin e trafikut.
Temperaturat e larta dhe qëndrimi në trafik bënë që makinat të tejnxehen.
Përfaqësuesi i policisë rrugore thotë se ka një fluks të shtuar dhe se Zona e Lungomares, zona e Ujit të Ftohtë dhe pjesa e Radhimës paraqet ngarkesë më të madhe.
“Sezoni turistik tani është në kulmin e vetë, ka një fluks të shtuar dhe në ardhje dhe në vajtje në zonat turistike. Në zonën bregdetare kemi marrë masa të shtuara. Zona e Lungomares, zona e Ujit të Ftohtë dhe pjesa e Radhimës paraqet ngarkesë më të madhe. Zona e Himarës është pak më e qetë më e menaxhueshme. Zakonisht të dielave pas orës 19:00 ka fluks më të lartë makinash.”
