Ministria britanike e Mbrojtjes njoftoi sot se Rusia ndoshta ka tërhequr disa gjeneralë nga pozicionet kryesore komanduese në konfliktin ukrainas këtë muaj.
“Që nga fillimi i qershorit, komanda e lartë ruse ka shumë të ngjarë të ketë hequr disa gjeneralë nga pozicionet kryesore të komandës operacionale në luftën në Ukrainë”, tha ministria në Twitter.
Në mesin e të pushuarve, pretendojnë britanikët, janë komandanti i Forcave Ajrore (VDV), gjeneral-koloneli Andrei Serdyukov, si dhe komandanti i Grupit të Ushtrisë Jugore (SGF), gjenerali Alexander Dvornikov, i cili ka shërbyer si komandant i përgjithshëm operacional i forcave pushtuese për disa kohë.
Komanda e SGF ka të ngjarë t’i transferohet gjeneral-kolonelit Sergei Surovikin, thonë britanikët, pasi ajo vazhdon të luajë një rol qendror në ofensivën ruse në Donbas. Prej më shumë se 30 vjetësh, karriera e Surovikinit është rënduar me akuza për korrupsion, por ai është “stolisur” nga brutaliteti i madh ndaj “armiqve”.
