Kryeministri Edi Rama, teksa ka ndarë një foto me liderët e pranishëm në samitin BE për Ballkanin Perëndimor, shkruan në rrjetet sociale se do të ishte mirë që premtimet të realizoheshin.
Në një postim në Twitte,r Rama shkruan se ne shqiptarët nuk do të dorëzohemi por do të punojmë edhe më shumë për ta bërë Shqipërinë një anëtare të mirë të BE-së.
“Vend i bukur njerëz të këndshëm fjalë të bukura foto të bukura dhe imagjinoni sa më bukur mund të ishte nëse premtimet e bukura të ndiqeshin sipas udhëzimeve. Por ne shqiptarët nuk jemi aq të mirë sa të dorëzohemi bukur! Kështu që ne do të vazhdojmë dhe do të punojmë edhe më shumë për ta bërë Shqipërinë një anëtare të mirë të BE-së”, shprehet Rama.
