Ish-deputeti demokrat Aldo Bumçi, me një deklaratë nga selia e PD, shprehet se zgjidhja për integrimin nuk vjen duke braktisur vendin.
Bumçi tha se Partia Demokratike shpreh keqardhjen më të thellë për JO-në e marrë sot në Bruksel, ku Shqipërisë nuk do t’i çelen negociatat dhe shqipëtarët do të vazhdojnë të presin.
“Edi Rama, si përherë, e drejton gishtin nga të tjerët, por ai gisht po u futet në sy shqiptarëve.
Njëherë e ka fajin Europa, pastaj Maqedonia dhe tani Bullgaria. Gishti i fajit nuk drejtohet kurrë nga vetja.
Shqiptarët e dinë dhe nuk presin integrimin e qeverisë, por zgjedhin mërgimin. Kjo nuk është zgjedhje e lirë, është britma e pamundësisë.
Por, as zgjidhje nuk mund të jetë. Ka vetëm një zgjidhje: të largohen ata që e kanë dorën në xhepin dhe gishtin në syrin e popullit.
Bashkojuni Partisë Demokatike dhe Shoqërisë Civile të lirë më 7 korrik”, tha Bumçi.
