Bordi i naftës/ Ja cilët janë ata që orientojnë çmimet

Në muajin mars, pak pasi Rusia sulmoi Ukrainën dhe kriza u katapultua direkt në tregjet e naftës dhe aq më shumë në atë të Shqipërisë, qeveria u mundua të zbusë zemërimin e qytetarëve të cilat iu bindën thirrjes së shoqërisë civile për të dalë në protesta.
Ngriti bordin e transparencës i cili që prej asaj dite, 12 mars, do dy ditë, tre ose maksimumi katër ditë cakton çmimin e naftës dhe nënprodukteve të saj.
Ekspertët e kanë quajtur bordin e monopolist. Sipas tyre ky bord nuk rregullon asgjë për tregun e naftës.
Por si është i përbërë ky bord?
Pjesë e këtij bordi janë ministrja e Financave, Delina Ibrahimaj, Ministrja përgjegjëse për hidrokarburet, Belinda Balluku, Drejtori i Përgjithshëm i Tatimeve, Ceno Klosi, Drejtori i Përgjithshëm I Doganave, Genti Gazheli
Këta janë caktuar si përfaqësues të qeverisë.
Por cilët janë ata që në fakt orientojnë çmimet?
Tre përfaqësues nga shoqëritë e tregtimit me shumicë të hidrokarbureve ( Kastrati Grup , Gega Oil Grup dhe Europetrol Durres Albania)
Dy përfaqësues të tregtimit me pakicë të hidrokarbureve (Olsi Krasniqi)
Dy përfaqësues nga ministria përgjegjëse për hidrokarburet, në nivel drejtuesi; Enea Karakaci dhe Ilia Gjermani
Një përfaqësues nga ministria përgjegjëse për financat, në nivel drejtuesi të lartë. Nikolla Lera