Eksperti i ekonomisë Zef Preçi, shprehet se Qeveria Rama nuk ka vizion dhe shtoi se kriza që ka përfshirë vendin nuk zgjidhet me propagandë.
Në një intervistë për Faxnews, Preçi thekson se Qeveria nuk është e shqetësuar për 2.8 milion banorë rezident që vuajnë pasojat e kësaj krize.
Gjithashtu Preçi e konsidero si të dëmshëm ngritjen e Bordeve që përcaktojnë çmimet e karburanteve dhe ato të ushqimeve të shportës
“Ndoshta është një vendim që duhet të diskutohet më gjerësisht. Unë e konsideroj krijimin e bordit, ku ndërhyrja shtetërore diktonte gjithcka, të dëmshëm, për të mos folur për mungesën e transparencës.
Krjimi i bordit është për të ulur protestën për ta konsideruar krizën normale dhe për të vazhduar me penalizimin e konsumatorit.
Kriza është mundësi për të shpërndarë burimet. Qeveria është më e shqetësuar për 20 ofrues shërbimi se sa për 2.8 milion banorë rezident që vuajnë pasojat e kësaj krize.
Nëse flitet për krizë energjitike të shkon në mendje a ka lëndë alternative. Qeveria ka mungesë të vizonit, ka bashkëpunuar me afaristë të huaj të ndryshëm.
Jemi në krizë dhe ajo meriton një pergjigjie, nuk zgjidhet me propagandë”, tha Preçi, i cili kërkon mbështetjen reale ndaj fermerëve, dhe jo përmes krijimit të akademisë së barinjve.
