Edi Paloka, kreu i Këshillit Kombëtar të PD, përmes një postimi në rrjetet sociale ka ironizuar Kryeministrin Edi Rama, i cili nganjëra anë shfaqet në krah të Vuçiç dhe nuk voton rezolutën që dënon gjenocidin serb në Kosovë, ndërsa në anën tjetër, shfaqet si atdhetar në Kosovë.
Paloka shkruan se Rama është ai që flirton me Vuçiç, që ka marrë përsipër të çojë përpara projektin ruso-serb të Ballkanit të Hapur, dhe që në samitin e fundit të NATO-s ishte i vetmi që në vend që të mbronte anëtarësimin e Kosovës, u impenjua të justifikonte kundërshtitë e Serbisë.
Postimi nga Edi Paloka
Ky eshte Edvin Rama qe puthet e flirton me Vucicin nderkohe qe sulmon pothuajse te gjithe lideret kosovare e merr persiper rrezimin e qeverive ne Kosove.
Rama , qe nuk lejoi maxhorancen nen urdherat e tij ne Parlament, te miratonte rezoluten e pregatitur nga opozita, ku denohej genocidi serb ne Kosove. Pak dite me pare, e frymezuar nga Rama, kryeministria e Serbise Brnabic, e mohoi ekzistencen e genocidit ne Kosove.
Rama , qe ne Samitin e fundit te NATO-s ishte i vetmi qe ne vend qe te mbronte antarsimin e Kosoves, u impenjua te justifikonte kundershtite e Serbise.
Rama qe edhe pak dite me pare, ne Ukraine, harxhoi me shume kohe per te justifikuar Serbine dhe Vucic, se sa te fliste per Shqiperine. Ate dite , ambasada ruse shpallte se ishin vrare dhjetra shqiptare qe luftonin krah Ukraines, ndersa te tjera burime tregonin se sa mercenare serb luftojne ne te njejten kohe per Putinin.
Rama qe ka marre persiper te coje perpara si kryeminister i Shqiperise, projektin ruso-serb te Ballkanit te Hapur.
Ky Rame pra eshte ne kete foto…!
