Kryetari i PD Sali Berisha, ka zhvilluar një takim me avokatët për të diskutuar për hartën e re gjyqësore.
Berisha tha se harta e re gjyqësore është në kundërshtim flagrant me afërësin e këtij shërbimi. Lideri historik theksoi se asnjë në Gjykatën e Lartë asnjë çështje nuk del për shqyrtim pa vendosur Sokol Sadushi dhe këshilltari i tij.
Ndër të tjera Berish,a ka hedhur akuza ndaj George Soros, duke thënë se ky i fundit ka shkatërruar drejtësinë në Shqipëri.
“Asnjë vend, asnjë komb, asnjë pushtues, nuk ka guxuar t’I shkatërrojë një vendi tjetër, një vendi sistemin e drejtësisë, siç e shkatërroi reforma e Sorosit drejtësinë në Shqipëri. Ne kemi qenë kundër metodës që kishte dy probleme madhore, atë të vakumit shkatrrimtar për sistemin dhe së dyti ndërtimin duke futur duart nga larg në sistem. Është një histori e papërsëritshme, një nga mega aferat më të mëdha të kohës. Për të mbyllur këtë katastrofë, kërkojnë të ndërtojnë një hartë të re gjyqësore, që vjen në kundërshtim flagrant në parimin e afërsisë së këtij shërbimi. Qëllimi është vetëm të përqendrojnë vendimin. Drejtësia shqiptare ka një satrap dhe ky satrap dhe ky quhet Sokol Sadushi. Në Gjykatën e Lartë asnjë çështje nuk del për shqyrtim pa vendosur Sadushi dhe këshilltari i tij. Së dyti, të gjitha çështjet administrative, i shqyrton kolegji administrativ që kryesohet nga Sadushi. të gjitha çështjet e doganave, tatimeve,, naftës, kanë kryetar të trupit gjykues Sadushin. 95% e çështjeve të Kolegjit Administrativ, bëhen në dhomë këshillimi pa praninë e palëve. Mbi 80% e të gjitha çështjeve palë që është biznesi me qeverinë i fiton shteti në Gjykatën e Lartë, ku kryegjykatës është Sadushi”, tha Berisha.
