Policia e Korçës ka zbardhur ngjarjen, ku trupi i 26-vjeçarit Martin Çeço u gjet në rezervuarin e fshatit Kolanec, Maliq. Për blutë, i riu është vrarë dhe në pranga janë vënë tre persona.
Të ndaluarit janë.
– Bleti Angjo, 38 vjeç, banues në fshatin Peshkëpi, Pogradec (i dënuar më parë për vjedhje);
– Valter Mollaj,, 43 vjeç, banues në fshatin Marjan, Korçë;
– Edlir Mollaj, 35 vjeç, banues në fshatin Marjan, Korçë.
Shërbimet e Policisë, nxorën para dy ditësh nga rezervuari trupin e pajetë të 26-vjeçarit Martin Çeço me dyshimet se bëhej fjalë për një ngjarje kriminale, duke qenë se gjatë këqyrjes, në trupin e 26-vjeçarit, janë konstatuar shenja në pjesën e fytit.
Pas hetimit u dokumentua se tre të arrestuarit, në bashkëpunim me njëri-tjetrin, më datë 12.06.2022, kanë marrë viktimën Martin Çeçon në fshatin Kolanec, dhe pasi e kanë vrarë (mbytur), për motive të dobëta, kanë hedhur trupin e tij në rezervuar, për të mbuluar ngjarjen dhe për të inskenuar një vetëvrasje të 26-vjeçarit.
Raportohet se shkak i vrasjes ka qenë konflikti për një vajzë.
Fqinjët dhe familjarët e përshkruan viktimë, si një djalë të urtë e punëtor.
