26 vjecari Martin Çeço kishte njohje me një vajzë me të cilën komunikonte vazhdimisht.
Njohjen e kanë mësuar autoret të cilët i kanë kërkuar 26 vjeçarit të mos e vazhdojë këtë bisedë.
Bisedë të cilën 26 vjeçari nuk e ka ndërprerë.
Në kushte të tilla sipas të njejtave burime autorët, bisedën mes të rinjve ja kanë bërë të ditur dhe babait të viktimës, por duket se as presioni i babait se ka bindur 26 vjeçarin të ndërpriste biseden me vajzën. Ajo çfarë dihet është se djali nuk kishte mbaruar as shkollën 9 vjeçare, madje nuk dinte as të shkruante as të lexonte.
Sipas banorëve viktima nuk lëvizte nga fshati i tij ai merrej vetëm me prerje të lendës drusore bashkë me babain. Ka qënë motra e 26 vjeçarit e cila jeton në kryeqytet ajo që ka detyruar babain të denoncojë zhdukjen e djalit.
Dyshohet se vajza për të cilën është vrarë 26 vjeçari ka qënë në lidhje paralele me një nga autorët. Nga ana tjetër autorët e kanë inskenuar vrasjen që të duket si vetëvrasje, pasi kanë lënë buzë rezervuarit shapkat e 26 vjeçarit si dhe ka pasur shenja litari në fyt.
Natën kur dyshohet se ka ndodhur ngjarja autorët e kanë nxjerrë nga shtëpia Martin Çeço në orën 23:00 i cili ndaj dhe për këtë ai ka dalë siç ka qënë i veshur në shtëpi më tuta, bluzë dhe shapka.
