Që kur Rusia shpalli pushtimin e saj në Ukrainë, qeveria e vendit aziatik nuk e ka dënuar këtë lëvizje, siç ka bërë pjesa më e madhe e komunitetit ndërkombëtar.
Por, ministri kinez i Mbrojtjes, Wei Fenghe, ka përjashtuar se marrëdhënia e vendit të tij me Rusinë është një “aleancë”, por ka theksuar se Pekini dhe Moska janë “partnerë të rëndësishëm”. Gjithashtu, ai ka nënvizuar se Kina “nuk i ka dhënë asnjë pajisje ushtarake” Putinit që kur ai nisi ofensivën në Ukrainë, në fund të shkurtit.
“Marrëdhëniet midis Kinës dhe Rusisë po zhvillohen në rrugën e duhur. Është një partner i rëndësishëm, jo një aleat. Marrëdhënia jonë, e cila do të vazhdojë të rritet, nuk është e drejtuar kundër palëve të treta”, tha ministri i Mbrojtjes.
Në të njëjtën kohë, Wei Fenghe ka siguruar se, pavarësisht dyshimeve, “askush nuk e dëshiron këtë luftë”, për shkak të asaj që po shkakton dhe çfarë mund të sjellë.
“Kjo krizë po i sjell dëme të jashtëzakonshme Ukrainës, Rusisë dhe Evropës. Gjithashtu, do të prekë Kinën dhe botën me krizën e ushqimit dhe energjisë”, shtoi Fenghe.
Ministri kinez ka kërkuar që të “analizohet thelbi i çështjes”, të përcaktohet “kush ka përgjegjësi dhe si mund të afrojmë paqen”.
