Aleksander Sadikaj, 27-vjeçari që u vra sot në atentat me tritol me telekomandë rezulton të jetë pronar i një ferme në Memaliaj, e njohur si “Sancho Farm Albania”. Nga fotot e postuara në rrjet, viktima duket se ka pasur pasion kuajt, ndërsa shfaqet në mjediset e fermës së tij.
Sipas raportimeve, biznesi është hapur në janar të vitit 2022. Ajo ishte një fermë me kuaj, e ndërtuar me disa shtëpiza druri me çmime që vijon nga 40 euro deri në 100 euro në natë.
27 vjeçari Aleksandër Sadikaj që u vra sot në dalje të Tiranës, pasi mjeti me të cilin ai lëvizte, shpërtheu me tritol të telekomanduar. Atentati ka qenë i mirëmenduar, pasi shpërthimi i telekomanduar është bërë në një moment kur pranë makinës së Sadikajt, nuk ka pasur asnjë mjet tjetër, ndonëse në aksin Elbasan-Tiranë drejt kryeqytetit ka pasur një fluks mjetesh duke shkaktuar panik te qytetarët.
Me këmbë të gjymtuara, plagë të shumta në trup dhe gjakderdhje, Sadikaj arriti që të dalë vetë nga makina pas shpërthimit, por fatkeqësisht nuk mundi t’i mbijetonte plagëve të rënda që mori, ndonëse u transportua në spital.
Në vitin 2011, kur Aleksandër Sadikaj ishte vetëm 20 vjeç nisi t’i futej ‘botës së errët’. Vepra e parë penale ishte vjedhje, ngjarje e ndodhur në Berat. Sadikaj është hetuar për vrasje, plagosje, vjedhje të tjera e kundërshtim të forcave të policisë. Shtatë vitet e fundit, Sadikaj rezulton banues në Tiranë, por jetën e ndante mes Shqipërisë e Greqisë në mënyrë që të takonte edhe të atin që jeton në vendin fqinj.
Plagosja për të cilën akuzohet Sadikaj ka ndodhur në 9 korrik 2019 në një plazh në zonën pranë Kanalit të Cukës në Sarandë. Në bashkëpunim me një person tjetër, ai ka qëlluar me thikë 3 here në krah dhe gjoks një 40-vjecar nga Vlora, i cili gjate transportimit për në spital u aksidentua edhe me makine ne vendin e quajtur “Kryqezimi Mish-Peshkut”. U shpall në kërkim atë ditë nga policia. Në 30 korrik mori dhe mase sigurimi në mungese “Arrest ne burg” nga Gjykata e Sarandës por nuk dihet se si Prokuroria e qytetit e ka mbyllur këtë dosje.
Aleksandër Sadikaj është vrarë në një atentat me tritol me telekomandë. Sadikaj u nxorr pa gjymtyrë nga mjeti dhe kalimtarë të rastit e dërguan në spital ku dhe ndërroi jetë.
