Maxhoranca ka rrëzuar kërkesën e Partisë Demokratike për ngritjen e një Komisioni Hetimor për Investimet Strategjike.
Kryeparlamentarja Lindita Nikolla deklaroi se në 31 maj u mblodh Konferenca e Kryetarëve ku nuk u miratua futja në rendin e ditës së kërkesës për komisionin hetimor.
Edhe gjate seances së sotme, kryeparlamentarja e ka hedhur ne votim futjen e kesaj kerkese ne rendin e dites dhe ajo eshte rrezuar me votat e maxhorancës.
Ky vendim ka sjellë reagimin e deutetit demokrat Enkelejd Alibeaj i cili u shpreh se kjo është bërë në kundërshtim të rregullores së Kuvendit.
“Më 31 maj 2022, u mblodh konferenca e kryetarëve dhe u vendos për të mos miratuar një kërkesë të Alibeajt për të ngritur një komision të posaçëm për investimet strategjike”, u përgjigj Nikolla.
“Kërkesa të tilla befas që fusni ju ne votim janë jashtë rregullores. Ju e vendosët ta fusni sot. Sipas rregullores, ai vendim duhet të debatohet, diskutohet. Për këtë arsye në rendin e ditës të dalë dje, kjo nuk ishte. Kërkesa ime është që kjo çështje të ketë kohën e duhur për ta diskutuar nga senaca plenare nga të gjithë deputetët. Kalimi në mënyrë të fshehtë nuk ju bën nder as ju dhe as parlamentit”, tha më tej Alibeaj.
Deputeti tjetër i PD Gazmend Bardhi tha se pasuritë publike po ndahen si plaçkë mes ministrave, ndërsa shtoi se opozita nuk do të ndalet deri sa të bëhet transparenca e plotë.
Deputetët demokratë kanë kërkuar disa herë në Kuvend ngritjen e një komisioni hetimor për investimet strategjike, por kërkesat e tyre janë rrëzuar nga mazhoranca.
