Presidenti Ilir Meta u shpreh në emisionin “Open” se ka përmbushur detyrën lidhur me dekretin që lironte nga detyra e Bajram Begajt si shef i Shtabit të Përgjithshëm të FA-ve.
Meta tha se nuk mund të merrte kohë për një kandidat që ishte shef i Shtabit të Përgjithshëm, që e kisha dekretuar më parë, dhe që kishte kaluar filtrat para se të merrte detyrën.
Presidenti tha se debati lidhur me këtë çështje është i kotë, megjithëse jemi në demokraci dhe debatet janë krejt normale.
I pyetur nga gazetarët sepse u nxitua lidhur me procesin duke e futur atë në hije shkeljesh, Meta tha se në Stamboll kishte firmosur lirimin nga detyra të kreut të Shefit të Shtabit të FA-ve dhe nuk kishte dekretuar emërimin e Presidentit.
“Kur bëhet fjala për të mbrojtur Kushtetutën e kam treguar shumë qartë. Në rastin konkret thjesht do të shtoheshin debate të panevojshme as për Presidentin, as për Parlamentin, pasi të gjithë e dinim që Presidenti i ri do të zgjidhej nga kjo mazhorancë, s´kam pasur asnjë iluzion dhe asnjë dyshim për këtë”, tha Meta.
