Ish-ambasadori Agim Nesho komentoi në emisionin ‘Çim Peka Live’ nismën ‘Ballkani i Hapur’ dhe samitin e fundit të mbajtur në Ohër.
Nesho deklaroi se Rama është i kapur pasi kjo nismë është e iniciuar nga Serbia për interesat e saj.
“Rama për fat të keq të Shqipërisë, sepse Shqipëria nuk e meriton, sillet si klloun i mbretit duke i shërbyer interesave të Serbisë dhe jo interesave kombëtare dhe të Kosovës.”-tha Nesho.
Më tej ai tha se Rama është një personazh që i jep një njollë të errët Shqipërisë sidomos me skandalin fundit duke justifikuar të pajustifikueshmen, krimet serbe ndaj shqiptarëve.
“Ka vazhdimësi të nacionalizmit serb që Rama do që të bashkëpunojë.”-deklaroi Nesho.
