Gjatë fjalimit që mbajti në samitin e Ohrit, në kuadër të takimeve të nismës “Open Balkan”, Kryeinistri Edi Rama zgjodhi të bëjë humor dhe tallet me Bashkimin Europian.
Rama tha se do të fliste hapur, pra pa një fjalim të përgatitur, madje i kujtoi të pranishmëve se kështu kishte bërë edhe Presidenti serb Aleksandar Vuçiç, i cili sipas Kryeministrit të Shqipërisë, kishte lënë mënjanë fjalimin e gatshëm.
Kreu i Qeverisë ndërsa fliste për domosdoshmërinë e “Open Balkan” dhe i kujtonte Kosovës se po i kthente shpinën të ardhmes për shkak të të shkuarës, ngatërroi Prishtinën me Beogradin.
“Vetëm duke lënë pas të shkuarën dhe duke shtuar bashkëpunimin ne do të mbërrijmë tek paqja përfundimtare mes Kosovës dhe Shqipërisë” tha kryeministri i vendit më të madh të shqiptarëve.
Gafa e Kryeministrit natyrisht që është një lapsus, ndonëse po të kihen parasysh raportet që ai ka me udhëheqësit e Kosovës në krahasim me Presidentin serb, ndoshta ka nevojë për një “paqe”.
