Peter Beyer, raporteri për Shqipërinë në CDU pas vizitës treditore të zhvilluar në Tiranë në një postim në rrjetin social Facebook, bënë publik qëndrimet e tij.
Teksa e shoqëron shkrimin me një foto të kryeministrit Edi Rama, Beyer shprehet se ka zhvilluar takime me të dyja palët politike më të mëdha në vend, PD dhe PS. Ndan qëndrimin se Bullgaria është e turpshme që mban të bllokuar hapjen e negociatave me Shqipërinë, ndërsa shton se Shqipëria duhet të ftohet në mbledhjen e radhës ndërqeveritare.
Pika e dytë që Peter Beyer flet, është ajo që ka të bëjë me situatën në PD. Ka zhvilluar takime me përfaqësues të PD , kryesisht krahun mbështetës të Enkelejd Alibeaj dhe shprehet se agjendat personale të individëve nuk duhet të ndikojnë dhe të luajnë rol jashtë përgjegjësisë së vendit.
Beyer ka hedhur mendimin e tij personal, por nuk dihet se cili është qëndrimi zyrtar i CDU.
Deklarata
Kam tre ditë që jam në Tiranë/ Shqipëri për bisedime të larta politike. Fokusi ishte në dy tema:
1. Antarësimi i Shqipërisë në BE :
Shqipëria nuk duhet të jetë viktimë e bllokadës të turpshme të Bullgarisë. Shqipëria tani duhet të ftohet në konferencën e ardhshme ndërqeveritare si hapi i ardhshëm konkret në procesin e pranimit në BE.
2. Situata e Partisë Demokratike, PD:
Demokracisë parlamentare të Shqipërisë i duhet një opozitë e bashkuar, e fortë. Agjendat personale të individëve nuk duhet të luajnë rol jashtë përgjegjësisë për vendin. Është e qartë se çdo lloj bashkëpunimi me një “persona non grata” si kombëtarisht ashtu edhe ndërkombëtarisht është i ndaluar që në fillim. Ky është një pozicion i përbashkët, i pakontestueshëm që ne e përfaqësojmë rreptësisht në unison me miqtë tanë në SHBA.
