Luljeta Bozo është deputetja me moshën më të madhe në Parlamentin shqiptar, madje për këtë arsye ajo drejtoi edhe seancën e parë në Parlamentin e dalë nga zgjedhjet e 25 prillit.
Bozo hyri në Kuvend si pjesë e listave të PS në Qarkun e Tiranës, ndërsa së fundmi ka vendosur ti japë një këshillë kreut të PD, Sali Berisha për ti hapur rrugën të rinjve.
“Sado eksperiencë të kesh duhet të hapësh rrugë për të futur të rinjtë. Të marrësh përsipër të drejtosh forcën më të madhe opozitare, duhet të kishte dhënë më shumë hapësirë të rinjve PD që mund ta çonin më përpara. S’mund të jesh i përjetshëm, ti mund të punosh por po nuk tërhoqe mbrapa brezin e ri nuk ecën puna”, thotë Bozo në Report TV.
Deputetja e PS mund të jepte këshilla dhe ato mund të konsideroheshin shumë të vlefshme sikurse ajo të mos pranonte vendin e ligjvënëses, dhe ti hapte rrugën një prej emrave që renditeshin në listë nga Rama.
