Deputeti demokrat Belind Këlliçi në një reagim të tij shprehet se Kryebashkiaku i Tiranës, Erion Veliaj, ka dhënë vetëm 11 % të fondit të rindërtimit, ndërsa mijëra familje të prekura nga tërmeti vijojnë ende të pastreha.
Këlliçi shkruan se të vetmet banesa të reja të dorëzuara janë ato të ndërtuara nga fondacionet private në Ndroq dhe Vaqarr, duke theksuar se Tirana nuk ka kryebashkiak por ka vetëm një gjobaxhi makinash që vjel taksa dhe firmos leje ndërtimi.
Reagimi nga Belind Këlliçi
Gjobaxhiu i Tiranës Erion Veliaj ka dhënë vetëm 11% të fondit të rindërtimit. Mijëra familje të prekura nga tërmeti qëndrojnë ende të pastreha.
Të vetmet banesa të reja të dorëzuara janë ato të ndërtuara nga fondacione private në Ndroq dhe Vaqarr.
Tërmeti goditi shumë rëndë godinat kolektive në Kombinat dhe në Rrugën 5 Maji. Në këto zona ende nuk ka nisur ndërtimi i asnjë godine të re.
Tirana nuk ka kryebashkiak. Ka vetëm një gjobaxhi makinash që vjel taksa dhe firmos leje ndërtimi.
U bënë disa javë që Tiranës i mungon ndriçimi publik. Zona e ish Fushës së Aviacionit është në terr. Rruga e Elbasanit, një nga rrugët kryesore hyrëse në Tiranë po ashtu nuk ka ndriçim publik, duke rrezikuar jetën e kalimtarëve dhe drejtuesve të automjeteve.
Tiranën e jetoni përditë.
E shikoni me sytë tuaj.
Propaganda e ka mbushur kupën.
