Policia italiane ka arrestuar një shqiptar të shpallur në kërkim nga Interpoli, me kërkesë të homologëve të Gjermanisë.
Mediat lokale bëjnë me dije se 28-vjeçari Dragan Hasanaj me origjinë nga Mallakastra ishte shpallur në kërkim në Gjermani për vjedhje shtëpish.
Pas krimit të kryer atje, ai është larguar nga Gjermania për në Itali, por një urdhër arresti ndërkombëtar bëri që edhe italianët të viheshin pas tij duke e kapur në Siçili.
Tashmë i riu do të ekstradohet nga Italia për në Gjermani ku duhet të kryejë dënimin.
