Ish-Kryeministri Sali Berisha nga foltorja e Kuvendit paralajmëroi nisjen e një organizimi të fuqishëm kundër regjimit monist të Edi Ramës.
Berisha tha se vërtet sot Shqipëria nuk është Republika moniste e Enver Hoxhës, por është Republika moniste e Edi Ramës.
Ai tha se zgjidhja është në dorën e shqiptarëve, të cilët duhet të organizohen kudo që të jenë dhe me në krye opozitën, duhet të shpëtojmë vendin nga regjimi monist.
Kreu i PD ka kërkuar nga miqtë e Shqipërisë, kudo ata ndodhen në Europë dhe SHBA, që të ndalojnë çdo mbështetje për qeverinë e Edi Ramës.
Ish-Kryeministri deklaroi se me terror, blerje votash dhe bandash, Edi Rama vendosi regjimin monist në Shqipëri. Ai akuzoi Kryeministrin Edi Rama se përmes tenderave dhe dosjeve kishte marrë peng ish-drejtuesit e opozitës.
