Pazare në tavolinë, i ka cilësuar deputetja Jorida Tabaku, çmimet e vendosura nga Bordet e Transparencës së ngritura nga Edi Rama dhe që përcaktojnë çmimet e ushqimeve të shportës dhe karburanteve.
Nga foltorja e Kuvendit, Tabaku tha se ndërkohë që qytetarët janë në nevojë, Qeveria ka vendosur të japë 80 milionë lekë për kompanitë e fondit të rindërtimit.
“Qershori nisi më i nxehtë. Zjarret e gushtit nisën që në qershor duke treguar paaftësi të menaxhimit të qeverisë. Sot dua të diskutoj për një çështje të rëndësishme. Bordi i caktimit të çmimeve, me asnjë fuqi të përcaktuar në ligj, qeveria ka muaj që përcakton sa do të jetë çmimi i karburanteve. Çudia ka ndodhur ditët e fundit ku një pjesë e madhe e karburanteve e kanë çmimin më të ulët se ajo që ka bordi. Unë e kam quajtur pazar në tavolinë.
E njëjta situatë po ndodh edhe me çmimet. Të gjitha çmimet e produkteve bazë janë rritur dy herë. Qeveria bën një akt normativ ku vendos të kompensojë kompanitë e rindërtimit. Në vend që tu ndodhet pranë qytetarë rrit me 80 milion lekë kompanitë e fondit të rindërtimit”, tha ajo.
