Një plagosje me armë zjarri ka ndodhur ditën e sotme në Fushë-Krujë.
Pas një konflikti të çastit, shtetasi B. S., 44 vjeç ka qëlluar me armë zjarri shtetasin L. K., 62 vjeç, i cili është dërguar në Spitalin e Traumës, Tiranë.
I plagosuri ndodhet jashtë rrezikut për jetën, ndërsa autori është shpallur në kërkim.
Fushë Krujë/Informacion paraprak
Plagosi 62-vjeçarin me armë zjarri në këmbë, gjatë një konflikti të çastit, shpallet në kërkim autori i dyshuar i ngjarjes.
Më datë 06.06.2022, në Fushë Krujë, në lagjen “Punëtori”, shtetasi B. S., 44 vjeç, pas një konflikti të çastit për motive të dobëta, dyshohet se ka plagosur me armë zjarri në këmbë, shtetasin L. K., 62 vjeç, banues ne Fushë Krujë, i cili është dërguar në Spitalin e Traumës, Tiranë dhe ndodhet jashtë rrezikut për jetën.
Shërbimet e Policisë kanë rrethuar zonën dhe vijon krehja e saj, për të bërë të mundur kapjen dhe arrestimin e autorit të dyshuar të kësaj ngjarjeje.
Grupi hetimor ndodhet në vendngjarje dhe nën drejtimin e Prokurorisë, po vijon punën për sqarimin e plotë të rrethanave të ngjarjes.
