Presidenti Ilir Meta nga studio e emisionit ‘Çim Peka Live’ ka hedhur akuza në drejtim të Kryeministrit Edi Rama dhe ish-kreut të PD, Lulzim Basha.
Ndërsa Ramën e konsideroi një njeri pa etikë, për Bashën, Meta tha se ishte i shitur dhe që kishte bashkëpunuar me Kryeministrin.
“Të gjithë e dinë se kush është Edi Rama. Të arrijë ta nxjerrë policia nga avioni se bën sherre me sduardjesat, kuptojeni se çfarë reference e besueshme është ai si person me integritet dhe person me standard të larta etike.
Jam shumë i lumtur që e kam bërë detyrën time me përkushtim maksimal.
Jam Presidenti që hyra në atë institucion me më pak kompetenca se çdo President tjetër në Shqipëri.
Nuk kam pasur në krahun tim asnjë institucion të pavarur. Jam minuar në mënyrë të vazhdueshme dhe të qëllimshme nga opozita e cila ka qenë në bashkëpunim me Ramën.
Kam bërë maksimumin për të mbrojtur Kushtetutën, pluralizmin politik, interesat e Kosovës dhe Shqipërisë”, tha Meta.
