Nga Basir Çollaku
Dokumente zyrtarë policorë, në të cilët është ndërhyrë për qëllim falsifikimi, pranohen në dosje nga SPAK. Artur Krasniqi, oficeri antidrogë, eksperti kriminalist, agjent i Shërbimit të Kontrollit të Brendshëm dhe Ankesave, akuzuar në dosjen e Prokurorisë së Posaçme “Shpirti”, për shpërdorim detyre, është ndëshkuar, kanosur, nga eprorë dhe trafikantë, sepse kishte vendosur të mbetej oficer policie, jo urë kompomisi, për interesa përfituese të paligjshme brenda dhe jashtë sistemit. Krasniqi ka akuzuar prokurorët, për mosveprime, mungesë të thelluar të hetimit, fshehje të akteve.
Në vititn 2016..
Fiqiri Seferi dhe Ferhat Ajdini janë dy të proceduar penalisht në vitin 2016, së pari nga Artur Krasniqi, referuar prej tij në Prokurorinë e rrethit përkatës, më pas në Prokurorinë për Krimet e Rënda. Gjithashtu ka dërguar informacion zyrtar në Drejtorinë e Përgjithshme të Policisë së Shtetit, e prej këtu ky referim i tij dhe eprorit të tij ka shkuar te Antimafia italiane. Aty ku marrin zhvillime të tjera hetimet me të penduar..
Po a kanë futur duart në shkresa për të bërë falsifikime në Komisariatin e policisë Kavajë, oficerë apo drejtues të këtij institucioni sigurie?
Dokumentet në dosje ngrenë dyshime serioze, për vënie dorë, ndërhyrje, përpjekje e hapur për të falsifikuar. Prokuroria i ka adminsitruar dhe për më tepër i ka përcjellë në Gjykatë, pa investiguar se çfarë ka ndodhur, kush ka ndërhyrë në to.
Ne vitin 2016 janë shoqëruar të penduarit mëvonshëm, të hetuar nga antidroga Kavajë. Në librin e personave të shoqëruar në polici, ka një regjistër ku shënohet dinamika ditore, veprimet që kalojnë nëpërmjet sallës operative. Artur Krasniqi, ka lënë gjurmë proceduriale me personat e shoqëruar, duke plotësuar shkresat e duhura dhe duke i depozituar ashtu siç ligji e kërkon. Fleta nr 194 e dinamikës ditore, që i përket vitit 2016, në Komisariatin e Policisë Kavajë, ka ndërhyrje falsifikuese të qëllimshme.Këto akte, janë marrë nga ana e Prokurorisë së Posaçme dhe janë përcjellë në Gjykatë. Janë akte të adminsitruara si prova nga Gjykata, por askush nuk ka pasur kohë të mjaftueshme të shohë se, shkresat janë dëmtuar qëllimisht dhe me efekte për veprimet e kryera vite më parë. As Prokuroria as gjykata, nuk kanë kërkuar hetim të detajuar se çfarë ka ndodhur në komisariat dhe kush janë personat përgjegjës, të cilët kanë ndërhyrë në dokumentat dhe aktet shkresore. Përsenë e mosveprimit prokurorët nuk e kanë bërë të ditur asnjëherë në gjashtë vite hetim dhe shqyrtim gjyqsor.
A ka veprime hetimore të munguara në këtë dosje?
Ka dhe nuk janë pak.
Pyetjet pa përgjigje konkrete janë të shumta.
Përse nuk është thirrur për të dëshmuar në prokurori apo më pas në Gjykatë, ish-Drejtori i Përgjithshëm i Policisë së Shtetit Ardi Veliu, për presionin e bërë ndaj Krasniqit, se ai nuk kishte punë me dosjen 339?
Përse nuk është marrë në pyetje dhe dëshmia e drejtorit të Sherbimit të Çeshtjeve të Brendshme dhe Ankesave, Muhamet Rrumbullaku, për presionin e bërë ndaj oficerit Krasniqi dhe cila ishte dijenia e tij konkrete për kallzimet dhe personat e pushtetshëm kërcënues, me emra të njohur në Durrës dhe jo vetëm ?
Përse nuk është hetuar personi botës së trafikut, i identifikuarme emër, që i ka dërguar mesazh zanor kansosës për jetën oficerit, pasi ai kishte referuar materiale në polici?
Përse transferimi Krasniqit, sapo ai nisi hapjne e dosjes 339-të, është bërë në linjën ku rezultonin me aktivitet të përgjuarit e proceduarit prej tij për trafik kokaine dhe heroine? A e ekspozonte kjo në një rrezik potencial për jetën, duke ua nxjerrë trafikantëve lehtësisht në pritë?
A u vunë në dijeni ministri i brendshëm dhe Kryeministri Edi Rama dhe cilat kanë qenë reagimet e tyre?
Procedimi penal nr. 238, dosja “552” nga e cila rrjedh dosja me emër e telashe të mëdha “339”, ku gjenden supertrafikantë, drejtorë, kryebashkiakë, deputetë, ministra, janë gjithnjë të pakonkurueshëm në ndikimin fatal për të ndëshkuar oficerin e pandreqshëm të policisë i vendosur e mendjendarë të bëjë detyrën…
