Analisti Andi Bushati thotë se Bajram Begaj që në aktin e parë tregoi se nuk është një figurë e nivelit të lartë që di të distancohet për të mos u bërë palë e një projekti politik.
“Për mua vetëm mënyrë se si pranoi të zgjidhet është shumë e rënë dhe tregon shumë për presidentin e ardhshëm”, tha Bushati në studion e Euronews.
Për analistin, Begaj u shfaq i përulur para kryeministri Rama me gjuhën e trupit.
I gjithë procesi tha, Bushati tregon se Begaj e nis me një paragjykim të madh karrierën si President.
“Ka thënë po me ndërgjegje duke e ditur se do të jetë një president jo konsensual por vetëm i njërës palë. Aq më keq akoma, është një president që ka dalë nga xhepi, shtrati apo mënga e një njeriu të vetëm, që është Edi Rama”, deklaroi analisti.
Nisur nga kjo tha Bushati, mazhoranca dhe ata që mbrojnë zgjedhjen e tij në krye të shtetit po shpikin histori se mbështetet nga SHBA pasi nuk bind që është figurë konsensuale.
