Ministria e Mbrojtes jep të dhënat e fundit lidhur me situatën nga zjarret e shkaktuara në Ishullin e Sazanit. Në një komunikim të fundit përmes rrjetit social Facebook, ministri Niko Peleshi shkruan se prej tri ditesh punë e pandërprerë, forcat kanë arritur të neutralizojnë 14 vatra zjarri.
Në terren janë rreth 100 trupa të forcave të armatosura të cilat janë dërguar në orët e pasdites, ndërsa janë vënë në dispozicion dhe tre anije të forcës detare.
Kujtojmë se prej tri ditësh Sazani është në flakë dhe ministria e Mbrojtjes e ka pasur të pamundur të ndërhyjë nga ajri, pasi nga katër helikopterë nuk ka asnjë.
Madje edhe Emergjencat Civile janë gjendur të papërgatitura për këtë situatë të rëndë, ndërsa thuhet se zjarri është vendosur pas orvs 20 të mbrëmjes, kur në të vërtetë hyrja në zonën ushtarake ndalohet në orën 19:00.
Njoftimi
Pas një pune të pandërprerë, efektivët e FA kanë mundur të neutralizojnë rreth 14 vatra zjarri në ishullin e Sazanit.
Rreth 100 trupa të tjerë të Forcave të Armatosura po dërgohen në terren, ndërsa janë vënë në dispozicion edhe 3 anije të Forcës Detare. Trupat vazhdojnë operacionin e izolimit të plotë të flakëve, krijimin e brezit të shpyllëzimit me mjete shtesë nga Komanda Mbështetëse.