Gjykata e Sarandës ka dhënë masat e sigurisë për zyrtarët e bashkisë që u arrestuan disa ditë më parë. Gjyqtari Shkëlzen Licaj ka liruar 4 nga 6 te arrestuarit me urdhër të Prokurorisë së Sarandes për tjetërsimin e mbi 10 mijë m2 truall në bregdet me dokumenta te falsifikuara.
Prokurori Kledian Llaho kishte kërkuar “arrest ne burg” për 5 nga të arrestuarit dhe “arrest në shtëpi” për Rovena Alikajn. Pas 3 orë e gjysmë seance, gjyqtari ka vendosur ndryshimin “arrest në shtepi” për Pandi Zhongen, Drejtor i Urbanistikes në bashki, Rovena Alikajn, juriste në ASHK, Arhondia Caraj, përfituese trualli dhe Valter Llomi, përfitues trualli.
Ndërkohë, Aleko Anagnosti noter dhe Fredi Merkuri përfitues, u lanë në “arrest në burg” me afat 45 ditë.
Hetimet për kthimin e lulishtes në truall nisën në vitin 2020, ndërsa zyrtarët dhe bizmesnenët e përfshirë akuzohen për shpërdorim detyre, falsifikim dokumentesh dhe pastrimi i produkteve të veprës penale ose veprimtarisë kriminale.
Sipërfaqja e tokës prej 10 230 m2, e ndodhur në zonën Turizëm-Kanal i Çukës, në afërsi të vijës bregdetare është vënën nën sekuestro, ndërsa hetimi vijon për të zbuluar persona të tjerë të përfshirë.
