Ishulli i Rodosit në Greqi është goditur nga një tërmet me magnitudë 4.7 ballë pasditen e sotme duke krijuar panik te banorët.
Sipas mediave vendase, epiqendra u raportua të ishte 16 kilometra në perëndim dhe në veriperëndim të Katavias.
Sipas vlerësimit të rishikuar nga Instituti Gjeodinamik , thellësia fokale ishte 17.5 km.
Tërmeti është ndjerë kryesisht në pjesën jugore të ishullit, ndërkohë që nuk ka raportime për të lënduar apo dëme materiale.
