Transporti publik në 17 fshatrat e Dropullit të sipërm ka dy vjet që është ndërprerë. Banorët kanë protestuar dhe kërkojnë nga bashkia që ta zgjidhë sa më parë këtë problematikë.
Sipas tyre udhëtimi me taksi për në Gjirokastër ju kushton rreth 5 mijë lekë dhe nuk mund ta përballojnë.
“Nuk është i thjeshtë problem, zona jonë I ka fshatrat e largët. Kemi nevojë për furgon apo autobus, duhen ndihmuar pleqtë tanë. Për të shkuar nga Koshovica në Jorgucat e taksi shkon 20 mijë lekë, të shkojë në Gjirokastër do 45 mijë lekë”, shprehet një banor.
Ne pensionistët me 50 mijë-100 mijë apo dhe unë që e marr 150 mijë lekë nuk mund të marrim taksi.”
Janë të zhgënjyer nga premtimi i pambajtur nga kryebashkiaku I Dropullit, Dhimitër Toli.
“Tha vjet se do vendosim, përralla. Duhet ta zgjidhë ai le të vendosë kë linjë të dojë .”
Banorët kërcënojnë me bllokim të rrugës për në Kakavijë.
“Kemi mbledhur dhe firma i kemi dërguar tek Kryetari po s’kanë bërë asgjë. Do ju bllokojmë Kakavjnë nëse nuk do na e zgjidhin.”
Kryebashkiaku u Dropullit, Dhimitër Toli sqaron se kanë të drejtë të japin licencë brenda territorit të Dropullit dhe jo për në Gjirokastër. Sipas tij për të zgjidhur këtë problem do zhvillohet tender.
“Jashtë Bashkisë së Dropullit licensën e jep ministria e transportit. Ne do zhvillojmë së shpejti tenderin dhe për 1 muaj do vendoset kompania që do fitojë. ”
Deri sa të shpallet kompania fitues, Toli garanton banorët do të vihen në dispozicion të tyre automjetet që transportojnë mësuesit dhe nxënësit.
