Presidenti Ilir Meta ka reaguar sot në lidhje me çështjen e detit me Greqinë.
Meta tha se në datë 23 maj ministri grek i punëve të jashtme ka bërë vizitë zyrtare në Shqipëri, por nga pala greke apo Ministria e Jashtme nuk është kërkuar asnjë takim me Dendias.
Meta tha se në 2018 i kam kërkuar kryeministrit Edi Rama të udhëhiqte negociatat Greqi-Shqipëri, por nuk jam vënë në dijeni për mënyrën si po zhvilloheshin këto negociata.
“Theksoj se grupi negociator është pajisur me autorizim për saktësimin e kufirit shtetëror detar. Vetëm grupi negociator është autoriteti publiK, janë zhvilluar 3 raunde të negociatave në 2018, presidenti pasi është informuar për mënyrën e zhvillimit ka konstatuar disa problematika serioze”, tha Meta.
Ai e konsideroi këtë temë shumë të rëndësishme dhe delikate që ka të bëjë me interesa të mëdha dhe mund të dëmtohen në mënyrë të pashlyeshme ndaj kam preferuar që të jem konstruktiv për këtë cështje dhe bashkëpunues.
“I kam dhënë gjithë mbështetjen time Ministrisë së Jashtme dhe grupit negociator. I kam dhënë mbështetjen time kryeministrit këto janë të dokumentuara me komunikime zyrtare që kemi patur.
Por siç e shikoni nga kaq komunikim i rezervuar është i qartë që institucioni më aktiv për zgjidhjen e kësaj cështje ka qenë Presidenca, institucioni më transparent ka qenë Presidenti i republikës. Presidenti është Institucioni që i ka kërkuar Kryeministrit për të bërë kërkesë për negociata me dy grupet negociatore.
Kryeminsitri është niveli më i lartë politik që mund të marrë vendime të rëndësishme. Duhet të bëhet një marrëveshje që të kalojë në Parlament dhe kryeminsitri mund të shkojë në Gjykatë Kushtetuese dhe duhet t’i dalë për zot kësaj çështje.
Presidenti është i detyruar për të bërë transparencë me qytetarët e Republikë s´të bëjë të qartë që nuk ka pasur asnjëherë për kërkesë nga Kryeministri për autorizim për këtë cështje të detit. Që nga ky moment deri në 24 korrik jam në dispozicion të Kuvendit për të bashkëpunuar dhe për të dhënë sqarime për të gjitha në lidhje me këtë”, tha Meta.
